കൊല്ലം സുധിയുടെ വിയോഗത്തിന്റെ വേദന മാറും മുൻപ് തന്നെ കുത്തി നോവിക്കരുതെന്ന പോസ്റ്റുമായി അന്തരിച്ച കൊല്ലം സുധിയുടെ ഭാര്യ രേണു. സുധിയുടെ ഓർമ്മകൾ പങ്കുവെച്ചുകൊണ്ടാണ് രേണു തങ്ങളുടെ പഴയ റീൽസ് വീഡിയോകൾ ഇൻസ്റ്റഗ്രാമിൽ പങ്കുവെച്ചത്.
എന്നാൽ സുധി മരിച്ച് ഒരു മാസത്തിനുള്ളിൽ തന്നെ രേണു വീണ്ടും റീൽസ് ചെയ്തു തുടങ്ങി എന്നാണ് ചിലർ പ്രചരിപ്പിക്കുന്നത് എന്ന് പറയുന്നു. ഈ റീൽസ് എല്ലാം സുധി ഉള്ളപ്പോൾ എടുത്തതാണെന്നും ഇതൊക്കെ ഇപ്പോൾ എടുത്തതാണെന്ന തരത്തിലുള്ള വാർത്തകൾ തന്നെ വേദനിപ്പിച്ചെന്നും രേണുവിന്റെ കുറിപ്പിൽ പറയുന്നു.
വീണ്ടും വാർത്തകൾ കണ്ടു ഞാൻ റീൽസ് ചെയ്തു നടക്കുന്നു എന്ന് എത്ര തവണ കമന്റ് ചെയ്തു പറഞ്ഞു ഞാൻ ചെയ്ത റീസൊക്കെ ഏട്ടന്റെ ഒപ്പം ഉണ്ടായപ്പോൾ ഉള്ളതാണെന്ന് വീണ്ടും എന്തിനാ എന്നെ വേദനിപ്പിക്കുന്നത് ഡേറ്റ് നോക്കിയാൽ നിങ്ങൾക്കറിയാമല്ലോ ഇത്തരം ന്യൂസുകൾ ആരും എനിക്ക് അയച്ചു തരരുത് ഇന്നലെ രാത്രി ഒരു യൂട്യൂബ് ചാനലിൽ ഈ റീൽസും വന്നേക്കുന്നു. ഏട്ടൻ മരിച്ച് ഒരു മാസത്തിനകം റീൽസ് ചെയ്തു നടക്കുകയാണെന്ന്. ഇത് ഞാൻ വായിക്കാറില്ല.ഓരോരുത്തർ അയച്ചു തരുമ്പോൾ ഇൻസ്റ്റഗ്രാം ഉപയോഗിക്കാത്തവരൊക്കെ ഇതൊക്കെ സത്യമാണോ എന്ന് ചോദിക്കുമ്പോൾ എനിക്കുണ്ടാകുന്ന സങ്കടം. ഞാൻ ഇൻസ്റ്റാഗ്രാം,എഫ് ബി എല്ലാം ലോഗൗട്ട് ചെയ്യുകയാണ് രേണു ഇൻസ്റ്റഗ്രാമിൽ കുറിച്ചു.
മലയാളികൾക്ക് ഏറെ പ്രിയങ്കരനായ മിമിക്രി കലാകാരൻ കൊല്ലം സുധിയുടെ അകാലവിയോഗത്തിന്റെ ദുഃഖത്തിൽ നിന്ന് ഇതുവരെയും കുടുംബവും സുഹൃത്തുക്കളും മുക്തി നേടിയിട്ടില്ല. ജൂൺ അഞ്ചാം തീയതി പുലർച്ചെ 4 യോടെയാണ് അപകടം നടന്നത്. ബിനു അടിമാലി, ഉല്ലാസ് അരൂർ, മഹേഷ് കുഞ്ഞുമോൻ എന്നിവർക്കും പരിക്കേറ്റിരുന്നു.